Asociación XEGA

Colectivo de lesbianas, gais, transexuales y bisexuales de Asturias

Asociación XEGA

Colectivo de lesbianas, gais, transexuales y bisexuales de Asturias

Quiénes somos

XEGA ye’l colectivu asturianu de lesbianes, gais, tresexuales y bisexuales

XEGA ye una asociación non gubernamental, aconfesional, apartidista y ensin finalidaes llucratives, de calter social y cultural, que pretende la reconocencia social y xurídica del derechu de toles persones a vivir d’acordies cola so orientación sexual ya identidá de xéneru, ensin qu’ésta nin les sos manifestaciones puedan ser reprimíes o restrinxíes por cualquier forma; y pa ello propugna el desaniciu de toles normes y vezos, tanto xurídicos como sociales, que contribuyen a la discriminación hacia les persones d’orientación homosexual y bisexual ya identidá tresexual o tresxéneru.

¿Qué facemos?

  • Desendolcar cuantes actividaes tiendan a la lliberación sexual, superando la represión individual o social, y aquélles que busquen la supresión de la marxinación pa lesbianes, gais, transexuales y bisexuales y la reconocencia dafechu d’una sexualidá plural y diversa.
  • Promover aquelles actividaes que tiendan a garantizar, ensin discriminación dala, l’exerciciu de les plenes llibertaes ciudadanes y constitucionales por parte de les persones homosexuales y transexuales y obtener la definición y declaración del derechu humanu qu’asiste a toa persona a non ser discriminada por mor de la so orientación sexual nin pola identidá de xéneru.
  • Promover les manifestaciones culturales qu’amuesen la pluralidá y diversidá de la sociedá nel sentíu de reflexar la existencia del fechu lésbicu, gai, transexual y bisexual na sociedá.
  • Promover tou tipu d’actividaes culturales que contribuyan a educar a la sociedá nel respetu a la diversidá de les persones en función de la orientación sexual y de la so identidá de xéneru.
  • Promover tou tipu d’espublizaciones con una finalidá educativa y cultural que fomenten el respetu por lesbianes, gais, transexuales y bisexuales como condición básica pa la convivencia nuna sociedá democrática.
  • Planificar campañes de sensibilización social pa combatir los prexuicios sociales existentes sobre la homosexualidá y transexualidá y a les persones homosexuales y transexuales.
  • Denunciar toa forma de discriminación de les personas basada na orientación sexual y na identidá de xéneru.
  • Trabayar pola preservación de la salú de les persones lesbianes, gais, transexuales y bisexuales no tocante a la prevención de les infecciones de transmisión sexual (ITS).
  • Entamar campañes d’información y sensibilización y cuantes iniciatives tean al alcance de l’Asociación pa la llucha contra la infección por VIH y otres ITS ente la población LGTB d’Asturies.